Mohabbaton Main Hawas Ke Aseer Hum Bhi Nahi
Ghalat Na Jaan Ke Itnay Haqeer Hum Bhi Nahi
Naji Ho Tum Bhi Qayamat Ki Tund-o- Taiz Hawa
Kisi Ke Naqsh-e- Qadam Ki Lakeer Hum Bhi Nahi
Hamari Doobti Nabzon Se Zindagi To Na Maang
Sakhi To Hain Lekin Itnay Ameer Hum Bhi Nahi
Karam Ki Bheek Na De Apna Takht Bakht Sambhaal
Zarooraton Ka Khuda …Tu, Faqeer Hum Bhi Nahi
Hamain Bujha de Hamari Ana Ko Qatal Na Kar
Ke Be-Zarrar Hi Sahi Be-Zameer Hum Bhi Nahi