Kabhi Lot K Ao Na

suno larki …

meri maano

abhi tum ishq mat karna

abhi gurrya sey khelo tum

tumhaari umer hi kya hey

faqat athra baras ki ho

abhi masoom bachi ho

nahin maaloom abhi tumko

k jab ye ishq hota hey

to insaan kitna rota hey

sitaaray toot jatay hain

saharay chhoot jatay hain

abhi tum ne nahin dekha

k jab saathi bichhartay hain

to kitna dard hota hey

k har furqat k mosam main

hazaro gham ubhartay hain

hazaro zakhm khultay hain

suno larki …

meri maano

parhaayi par tawajo do

kitaabon main gulaaon ko

kabhi bhoolay se mat rakhna

kitaabain jab bhi kholo gi

ye kaanton ki tarah

dil main chubhengay khoon bahayengey

tumhain pehron satayengay

kisi ko khat nahin likhna

likhayi pakrri jaati hey

badi ruswayi hoti hoti hey

kisi ko phone mat karna .

Suno lerki …

meri maano

ABHI TUM MOHABBAT MAT KERNA …